Plantun de Prouvènço

Pèr coumpara dos planto d'encò nostre

Pistia stratiotes & Tripleurospermum inodorum

Pistia stratiotes

Araceae

Nom en français : Laitue d'eau.

Descripcioun :
La lachugo-d'aigo es uno planto à l'óurigino d'Americo troupicalo e devengudo subretroupicalo. Se pòu trouba à la fin de l'estiéu e à l'autouno de poupulacioun fugidisso, mai de cop que i'a impourtanto, en ribo de Rose o peréu aiours. Aquesto planto, pleno d'aigo e d'èr, passo pas, urousamen, li fre de l'ivèr. Autramen se recounèis eisa à si gròssi fueio pelouso e espesso que dounon un pau d'èr à li d'une lachugo o d'un caulet-vert. Fai bijarre de vèire aquésti planto nadeja sus l'aigo.

Usanço :
La medecino poupulàri indiano se n'en sèrt pèr sougna li malautié de péu : rasco, chancre sifiliti, fleiroun... En Chino, contre la raumido (eczéma). Apounden qu'es impourtado pèr l'aquarioufilìo.

Port : Erbo
Taio : 10 à 15 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Pistia
Famiho : Araceae

Ordre : Alismatales

Coulour de la flour : Verdo
Petalo : ges
Ø (o loungour) enflourejado : 1 cm
Flourido : Printèms

Sòu : Ca
Autour basso e auto : 0 à 30 m
Aparado : Noun

Liò : Aigo - Ribiero
Estànci : Termoumediterran
Couroulougi : Subretroupicalo
Ref. sc. : Pistia stratiotes L., 1753

Camamiho(-sènso-óudour)

Tripleurospermum inodorum

Asteraceae Compositae

Nom en français : Camomille inodore.

Descripcioun :
Aquelo camamiho a ges d'óudour, es uno planto de l'an gaire coumuno, pulèu grando, que trachis souvènt en group esquicha, dins lis ermas, proche d'aigo o encaro dins lis escoumbre. Coume li camamiho dóu gènre matricaria a ges d'escaume dins la flour coumpausado. Se recounèis peréu à si fueio primo e proun decoupado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 10 à 120 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Tripleurospermum
Famiho : Asteraceae
Famiho classico : Compositae

Ordre : Asterales

Coulour de la flour : Blanco Jauno
Petalo : >6
Ø (o loungour) flour : 2 à 3 cm
Flourido : Printèms - Estiéu

Sòu : Ca
Autour basso e auto : 0 à 2200 m
Aparado : Noun
Mai à setèmbre

Liò : Champ - Ribiero - Ermas - Escoumbre e proche dis oustau
Estànci : Mesoumediterran à Subaupen
Couroulougi : Éuropenco
Ref. sc. : Tripleurospermum inodorum Sch.Bip., 1844 (= Matricaria inodora L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Pistia stratiotes & Tripleurospermum inodorum

ges

Coumpara Lachugo(-d'aigo) emé uno autro planto

Coumpara Camamiho(-sènso-óudour) emé uno autro planto